Ar 11eg o Dachwedd mae’r cadoediad yn dod a’r ymladd i ben.

Yn gynnar ym mis Tachwedd daeth cynrychiolwyr yr Almaen i gwrdd â Chomander y Cynghreiriaid, Ferdinand Foch i drafod termau ar gyfer cadoediad. Roedd gofynion Foch yn llym gan gynnwys tynnu lluoedd arfog yn ôl o bob tiriogaeth oedd wedi ei meddiannu a gadael i’r Cynghreiriaid gymryd rheolaeth o ardaloedd o gwmpas Afon y Rhein ar ffin yr Almaen. Bu rhaid i’r Almaen hefyd ildio’i holl longau tanfor a llongau rhyfel.') ?>

Daeth y cadoediad i rym am 11yb ar 11 Tachwedd. Cymerodd y newyddion sbel i gyrraedd rhai ardaloedd lle roedd y brwydro yn parhau.

Y cyfanswm o farwolaethau ar 11 Tachwedd oedd 900 – efallai colledion mwyaf trist y rhyfel.

Yn Llundain dathlodd miloedd o bobl ar y strydoedd. Ledled Cymru roedd golygfeydd o lawenydd a rhyddhad. Ar ôl i’r newyddion gyrraedd ar 11 Tachwedd (dydd Llun) penderfynodd nifer o weithleoedd gyhoeddi gwyliau, ac roedd awyrgylch carnifal mewn rhai mannau.

Oeddech chi’n gwybod…

Digwyddodd y cadoediad mewn cerbyd trên ar bwys Paris. Yn 1940 pan ildiodd Ffrainc i luoedd yr Almaen Natsiaidd, mynnodd Adolf Hitler i gynrychiolwr Ffrainc arwyddo’r ildiad yn union yr un cerbyd.